Amaro veboskero than tumenge - tuke kamel ajsi, varesava nevi formaha, aver modernono dikhibnaha te lačharel o jakha, kana, godďi, jilo, voďi ko sikhľarďipen andro umelecko, cikňipnaskeri nacijonalno linija", kaj te džanes kaj sal Rom, Romňi kaj pes te naladžas vaš akada, numa thaj vašo prindžariben amare romane niposke- sasto romipnaske. Vašoda hin amaro vebos kerdo thaj samozrejnone vašo o gadže, bo te pes federes prindžaraha, federes thaj jekhetane dživaha. Obsahoha pheravas pre kadi strankica savoro vaš tuke, vaš tiro dživipnaskero stilos, ritmos, thaj vašoda jilestar mangas kale dromeha savore Komunitnone centra thaj le občjansko jekhetaňibneskere organizaciji, čaladi, fameľiji, kaj hine lačhe podmjenki ko pristupos le internetoske - sledinen, dikhen amen, thaj irinen- pisinen amange amala amare, keren reakciji ke amare videji. O videji hin:

• kerde zabavnono, radišagosňi thaj sikhľavinpaskeraha kotoreskera formaha 
• ajsa formaha savi mejk nadikhľal, šaj pes zabavines numa thaj vareso nevo pes dodžanes - sikhľuves 
• dromeha andro videji tut lidžel o Tutorijalos - o Čhibalo
• te dikhel, vareso nevo, bijalo sikhľardo, učitelis, charno vachtoha - časoha, šaj pes but dodžanes : 

1. the sikhľol bejzutnone, zakladnone kotora khataro bašaviben/ bašavibnaskere nastroji 
2. tradičnone, amare phurikane khelibena
3. tradičnone, amare phurikane chabenora thaj lengere recptura /numa imar bonďarde thaj bišt thaj jekhto ezerašno šelberšeskereha moderono vachtoha 
4. bejzutnone, zakladnone kotora khatar amari romaňi čhib 
5.  bejzutnone, zakladnone kotora khatar e romologija /ko hin o Roma?, khatar sam?, sar dživas? sar sava paťivaha ROMIPNAHA pes lačharas sar nacija